2015年10月20日 星期二

有關我第一個紋身



由於實在有很多人問,而我都唔知點樣簡短答佢,所以係到寫一次,比自己釐清下思緒,同時睇完的人唔好再問了哈哈哈。

呢個紋身就係呢個鏡頭既簡化版,但呢個鏡頭對我卻意義重大。

那年是2012年,我跟我前女朋友,在朗豪坊頂層的咖啡店裡,買了一杯咖啡,拿手提電腦出來坐著看戲。

而且看到頭暈眼花,一頭霧水。
有睇過既人,第一次睇完應該同我有類似感覺。

但呢套戲,開啓左我思索之門。
電影過後,我跟前女友不停搵有關解讀,有關分析。
先理解超脫既概念。(電影結局表達既嘢,就係類似呢樣嘢。)
我同前女友從電影,講到成佛,講到宗教,講到存在,神明,又返返電影。
係一場討論風暴後,我地又會再搵多套電影,再睇。
睇電影呢樣嘢,就係由我前度教識我的。
思索哲學問題,都係呢到黎。

呢一個鏡頭,呢一個日出,啟蒙左我。Enlightenment。

講返呢張圖(呢個紋身當然唔止咁簡單)
講返呢套電影。係Stanley Kubrick既大作 2001: A Space Odyssey
當中用左好多呢個圖案所組成既視點,叫做:one-point perspective。
呢個係佢既特色,佢大部份戲都有用到呢個手法。
但呢個視點,你將佢組成一個三角形咁睇,覺唔覺好似望住一對路軌,無限延伸咁。

無錯,就係無限既象徵。

佢既電影有唔少位都係象徵無限,或深不可測,或潛能既隱喻。
例如Shinning個陣,放Jack係中間,象徵佢腦裡個種無限既、無底既惡念正在成長。
我記得有片睇,有興趣既人,google one-point perspective 同 Stanley Kubrick應該就搵到。

咁係呢張日出圖,當中既無限係乜嘢?
呢點又要講返2001,同尼采既關係。(相信有睇開既人都知係咩了)

正正係呢個opening,係呢個日出既畫面,
電影當時播既歌,係叫做 Also Sprach Zarathustra ,請睇片:
https://www.youtube.com/watch?v=e-QFj59PON4

《查拉圖斯特拉如是說》
就係呢首歌既中文名,亦都係尼采既一大著作。
(實在有好多人問過我邊個係尼采,我無好認真研究,但簡略d講佢係德國詩人同哲學家。兩大思想:人進化成超人;永恆回歸。我(慚愧d講)未睇哂《查拉圖斯特拉如是說》(但就快)所以講唔到太多。班門弄斧。)
係呢本著作入面,第一章,就係日出。
引文(不知是誰的譯本但字句是岩的)如下:

在查拉圖斯特拉三十歲時,離開了家鄉和家鄉的湖,走進群山之中。在那裡他享受著他的靈魂和孤獨,十年不倦。但是,最後他的內心轉變了——一天早晨,與玫瑰色的黎明一同起來,他迎著太陽,對它如是說:

你,偉大的星辰啊!假如沒有你所照耀的人們,你的幸福會是什麼?

由於第一章好長,所以簡短講就係查拉圖斯特拉學太陽,要下降到人間,將佢所得既智慧去布教(其實係尼采既智慧,應叫《尼采如是說》)

咁樣呼之欲出,2001既開頭係一個日出,播既歌係《查拉圖斯特拉如是說》,本書第一章又係日出。好喇,似喇,跟住呢?

《查拉圖斯特拉如是說》提出在尼采其中一大思想,就係人類既未來。
人類點解由人猿,停止左進化?
係乜嘢令人類,去唔到再上一層?
再上一層係咩?

尼采既見解,人類再進化,係超人。
Übermensch
個超人唔係電影個d,
而係一個可以超越到人類自身限制既超然物(唔係梁振英
當中可以係講緊,社會道德層,追求終極,完美主義既人。
係品行、成就,甚至體格上,都係頂尖。超人。
呢d超人,可能甚至係凡人眼中,係同社會脫節,佢地會獨居,追求精神超然,
務求超越到人類既限制。
其實同佛差唔多?悟道,然後涅槃。

涅槃呢下,就係超人另一個解讀,亦都係我有既解讀。
就係人再進化,就係超自然既存在,精神存在。
可以棄除肉身規限,讓靈魂可以係宇宙飛翔,不受時空所限既精神純粹體。
呢個境界,正正就係2001電影主角係電影尾段變成既存在。
佢不受肉身限制,進化左成可以在宇宙俯瞰地球既小孩。

點解係小孩?
又係尼采,尼采講過成為超人有幾個階段:
要成為駱駝,可承受世俗眼光指罵而不倒既堅持;
要成為獅子,對於頂點同完美既追求既勇猛,甚至暴戾;
最後,要回歸成為小孩,有既,係一顆純粹既心,純粹為成為超人而存在既心。
所以電影以開頭既日出鏡頭同音樂超首,將主角超脫,然後轉之為小孩,來比喻尼采既思想。

而呢個,亦都係我所追求既,嘢。
唔係講到我想超脫成仙,即使要做,憑我既道行還得輪迴多百多千多次人生。
但講到人類既未來,我係確信人類有超然既潛能(包括梁振英),有將靈魂覺醒既能力。
呢個係我既終極目標。

但講返作為人類既存在,超人既思想都係教我,點樣做個更好既人。
對人更好,對事更好,對自己更好。對世事都有要求,要求更好。
要求其他人都可以成為超人。
至少,有呢個信念。
頂點既追求。
超然既存在。

就係呢個紋身既意思。

當然到最後,呢個紋身都係獻比啟發我既兩個人,Stanley Kubrick,以及同一齊成長既前度。
紋係呢個位,就係想自己一生人,每次一舉起左前臂,作睇錶狀,
都會提自己:要超脫成為超人;要有對哲學既熱衷;要有對電影既熱衷;要有懂得欣賞美學、音樂既機會;不可忘記啟發自己既人。

因為呢一套戲,實在將我對整個世界既睇法都徹底扭轉,改變左我一生
所以,係值得紋既圖案。

多謝你睇哂成篇嘢,希望你下次見到我個紋身,就唔洗再問佢代表d咩,因為一時三刻我點講哂比你知,求其講又有違我應將你步入超人之路既原則。

最後講返句,紋身係一生既決定,所以紋之前真係要諗清諗楚。

2015年10月18日 星期日

懶床

最近靈感都很澎湃,大概是看過別人的創作,自己就會想寫點什麼。

在大床上伸過懶腰,
把掉了在地上的被拉上,打個滾。
兩手支撐身子,面向枕頭,卻又再一勁兒重重的撞去。

窗網外的陽光,一絲絲光溫柔照著灰色房間裡,
正起舞的灰塵。

窗簾低垂。鏡櫃倒映的都是一張大床。
皺褶混亂的床。和橫躺的人。
不管怎樣伸展,腰怎樣挺,手腳還是貼在床上。
就像在平面上的舞蹈。

暗淡的空間。停滯的時間。

打開門就要用上腳走路了,直立,新生一般。

2015年10月14日 星期三

在河邊渡步

熱水從頭頂貫穿進我的靈魂內。
一滴一滴熾熱的,滴進去。

越是要故意把內心的傷患掏出來,
越是不感覺得悲傷了。

我就站在沙灘邊,
你就站在沙灘邊,
但都已經斷開了。

半年來,我一直在分手後的餘波中掙扎,
也哭過許多遍,一點一點,把自己傷心、後悔的原因集起來。
不停去對話,了解自己還會心碎的原因。
到現在,我還不能肯定自己還不會因為過去的感情大哭。
但確實的,每當要貪婪地浸淫自己在淚水,
感受多遍憂傷的藍水,
今天,竟然無感了。

到底是幾天的好心情不足以讓自己傷心,
還是自己終於看透了。

她卻還切切實實的,出現在回憶裡。
可是現實裡,已經走到寶島去——一個不認識的,新她。

就站在藍色白頂的屋前,
就走在木橋上,
藍色的浪叫我跳下去。
透徹的水底。
可是你不是海,
你只是河。

我所承載的悲傷,卻卸進空氣的震動裡去。

到底在人類歷史中,因為情而哭過的人有多少?
當知道全世界的悲傷,也會是我的悲傷,
這份悲傷,也只是一份少少的悲傷。
少少悲傷。
淡去了,就跟本沒有一樣。

都淡進空氣中。
唯有剩下的殘餘物,才最有重量,最墜在心中,一點點磨在心底。
但又太小太小。

2015年10月12日 星期一

跳脫的字

波野般若菠蘿蜜法拉提
斯阿斯基塊卡老連夏公
西周洗令化史係撚掛制
薯味濃詩高菜道斧口黃
牙白嘉麗兒爪鬆泡機杜

風子紅花葉根樹動起無
中申友紙共嘻燶呢叉奠
蒙龍用洞諷功壟嘰咦之
尖蟲呵火放哥歌唷喎摩
揭巴兜聲你個仆街喇喂

在睡夢之前
閉眼之前
入睡之前
腦內的映像跳脫得不像話
印象在工作桌上,剪這拼那
拼貼拼貼出無意義的聲音、圖像。

2015年10月6日 星期二

我自己—鬼蝠魟

記得當時朋友在玩人類圖的時候,自己也一起玩。
得出的自己是有三重分裂。
不是代表我有多重人格,但我是個很多面的人。
也很容易受人影響。

但主要的自己是怎麼樣,大概也知道的。

我對海洋,有種莫名奇妙的歸屬感。
自幼以來,一直透過電視看見不同海洋生態,
最喜歡到的地方也是海邊。
除年齡增長,對感情的觀點增加,豐富,
現在望到海洋,感覺是「回家了。」
感覺是,自己知道海洋對自己的意義。
那些美妙的夢境,都是自己在海裡暢泳。
看見受困的海豚,感到自己明白他們的苦況,和憐憫。
看見水母,會很讚歎牠們一絲一帽在水中蕩漾的美態。
看見鬼蝠魟,
會落淚。

我真的真的,很想成為一隻鬼蝠魟。
牠有美妙的泳姿,優雅的體態。
在深藍綠的汪洋中飛翔。
而且,是女的。
赤裸裸的游泳。
美妙的。

這,是我最深層的自己。
是我相信自己曾是,或前世是,或我其實是,
一隻在海裡的鬼蝠魟。
可能我(鬼蝠魟)睡覺時,就夢到現在的我(人類)。

我很懷念,過去還會造關於海洋的夢。
感覺自己就在海裡出生。
亦要在海裡死去。